“It’s unfair! It’s unfair!” Pumalahaw ang kampo ng beteranong direktor. Ano’t sinisisi si direk ng isang aktres sa talakan nila ng hunk actor sa set ng kanilang teledrama?!
Ano ang sumapi sa aktres para magmahadera siya at magtahi ng istorya mula sa hangin?! Inutusan ba ang aktres alang-alang sa damage control para sa hunk actor, at the expense of the director?
Iba ang tinitingnan, iba ang tinititigan. Kaya quiet na lang si direk, at ipinaubaya sa karma to take its course.
LOTLOT NAG-MANAGE NG BASKETBALL TEAM; MAYE TNGCO NAG CHAMPION ANG VOLLEYBALL TEAM
Nag-manage ng basketball team si Lotlot de Leon alang-alang sa anak niyang si Diego Gutierrez na member ng grupo.
Nag-manage ng volleyball team ang Cebu-based na si Maye Tongco (dating sexy star), at nag-champion sa tournament ang kanyang koponan.
Magka-level na ba sina Lotlot at Maye? Sagot, Kagawad Leklek Tumalad!
LUCKY CHARM SA PELIKULANG THE MALL, THE MERRIER ANG IPAGBUBUNTIS NI ANNE
More & more ang mga filmfest sa bayang magiliw, pero nanatiling #1 ang Metro Manila Film Festival tuwing Disyembre. Fiesta bonanza sa takilya, at bonggacious ang line-up in its 45th edition, in line with the Centennial of Philippine Cinema.
Inaasahan nating mangunguna sa takilya ang M2M: The Mall, The The Merrier nina Vice Ganda at Anne Curtis. Malaking suwerte at good vibes ang hatid ng ipinagbubuntis ni Anne.
#2 para sa atin ang prestigious Cinemalaya filmfest na ang tahanan ay CCP. More & more ang tumatangkilik dito sa pagdaan ng mga taon. Sa loob ng 15 taon ay sandamukal na Cinemalaya films ang umariba sa iba’t ibang international filmfest.
Ang best picture nila this year na John Denver Trending ay tunay na relevant.
#3 ang Pista ng Pelikulang Pilipino, na nakatatlong edisyon na. Co-terminus ba ito kay Presidente Duterte? Huwag naman sana.
Excited tayo para sa unang Summer edition ng MMFF next year, na mag-uumpisa sa Sabado de Gloria.
Kaabang-abang din ang Sinag Maynila na mas marami ang kalahok sa susunod na taon.
Iyong Cinema One Originals, ano kaya ang future kung hindi ma-renew ang franchise ng ABS-CBN?
CONGRATS MARK AT AICELLE
Congrats, Mark Zambrano at Aicelle Santos! Sinaksihan ng kanilang mga kapamilya at malalapit na kaibigan ang kanilang pag-iisang dibdib noong Sabado nang hapon sa El Jardin de Zaida ng San Juan, Batangas.
Napaka-romantic ng kanilang garden wedding!
Cheers! Mabuhay ang bagong kasal!
Bago matapos ang taon, marami pang magsing-irog ang magpapakasal. Mas masarap ang honeymoon kapag taglamig, di ba?!
![](https://saksingayon.com/wp-content/plugins/dp-post-views/images/eyes.png)